以下是Sky Sir 友好：棋亮撰文
金融市場等待本周末Jackson hole央行年會，聯儲局會不會推出減買債的路線圖，估計今晚10點左右聯儲局主席鮑威爾就會發表講話。
南韓昨天就搶先一步加息1/4厘，原因是經濟已經復甦，加上家庭負債同樓價飆升。值得留意是，南韓疫情雖然未完全受控，但與去年爆發初期，未有疫苗，加上市場恐慌相比，央行當時已盡責，現時應該考慮寬鬆政策的後遺症，防範通脹及金融風險。
過去兩周，很多企業都交出好似做得好好的業績，但其實主要係上年同期差到不得了，基數低的原因，並不是間公司變成高增長股。以盈利增長來說，科技類仍然強勁，但限於7月前，7月後新監管以及捐錢下，仲有幾多剩得返，仲係一條難計嘅數，而且如果政府為了稅收，取消它們的稅務優惠，那就等於一兩年的增長，業績如倒後鏡，啟示已不大。
中概股散哂後，市場傳雷軍打算與歡聚李學凌私有化後者間公司，再把部份業務來港分拆上市。又傳出寧德時代入股某間港股的鈷礦公司，都反映好多人好想借機做刁，但仍然係傳嘅多。反而daydaycook有大孖生支持下，係美國借SPAC嘅殼，咁就搞掂，唔洗好似Gogovan咁等批。
棋亮執筆
Search